Мақалаларды қабылдау

1. Мақалаларды жіберу.

Мақала қолжазбасын журналдың сайты арқылы тапсыру жүзеге асырылады. Мақаланы журналда жариялау үшін автор(лар) оның сайтына https://jhistory.enu.kz тіркеліп, мақалаға қойылатын талаптарға сәйкес материалдарын жібереді:

  • Барлық идентификациялық деректері бар, авторларға арналған ережелерге сәйкес ресімделген мақала.
  • Авторлық идентификациялық деректері жоқ анонимді мақала.
  • Барлық авторлардың қолы қойылған және қолжазбада орналасу ретімен корреспонденциялық авторды көрсету арқылы жазылған ілеспе хат.
  • Қолжазба Open Journal Systems жүйесі арқылы жіберіледі. Авторлар өз қолжазбасының барлық нұсқаларын көру мүмкіндігіне ие болады (оның берілу сәтінде, рецензиялау процесінде және ашық жариялау кезінде). OJS жүйесі мақала цикліне бақылау жүргізуге мүмкіндік береді, яғни оның тапсырудан бастап жариялануға дейінгі барлық кезеңдерін қадағалауға болады.

2. Мақалаларды техникалық талаптарға сай сараптау процедурасы

Автор(лар)дың қолжазбалары «Антиплагиат ВУЗ» жүйесі арқылы мәтіндердің түпнұсқалығына тексеріледі, бұл жүйе баспа органымен университеттің оқу, ғылыми және жарияланымдық қызметінде плагиатқа қарсы тексеру үшін қолданылады. Қолжазбаның минималды түпнұсқалық көрсеткіші 80% болуы керек. Редакция осы минималды көрсеткіштен төмен нәтиже көрсететін қолжазбаларды қабылдамайды, сондай-ақ жүйе басқа авторлардың жұмыстарынан плагиат, шетелдік мәтіндерді өзінікі деп көрсету, дәйексіз алынған материалдармен анықталған мақалаларды кері қайтарады. Редакторлар қолжазбаны құрылымдық және техникалық талаптарға сай екенін қарастырып, мақаланың журналдың тақырыптық профиліне сәйкестігін анықтайды.

Авторлар 7 күн ішінде баспа жүйесі арқылы материалдың редакцияға түскені туралы және мақаланың журнал талаптарына сәйкестігі немесе сәйкессіздігі туралы растау алады. Егер авторлар материалды қайта өңдеуден бас тартса, олар редакцияға мақаланы жариялаудан бас тартқаны туралы хабарлауы керек. Егер авторлар ескертулер жіберілген күннен бастап бір ай ішінде түзетілген нұсқаны кері жібермесе, авторлардан материалды өңдеуден бас тартқандығы туралы ақпарат болмаса да, редакция мақаланы есептен шығарады.

3. Мақалаларды рецензиялау процедурасы

Редакция бір айдың ішінде авторға (ларға) рецензиялау нәтижелері туралы хабарлайды. Егер рецензияда мақалаға түзетулер мен қайта өңдеу бойынша ұсыныстар болса, редакция авторға рецензия мәтінін жібереді, жаңа нұсқасын әзірлеу кезінде оларды ескеруді немесе оларды негіздеп теріске шығаруды ұсынады. Автор тарапынан қайта өңделген (жөнделген) мақаланы қайтадан рецензиялауға жібереді. Егер авторлар материалды қайта өңдеуден бас тартса, олар редакцияға мақаланы жариялаудан бас тартқанын хабарлауы керек. Егер авторлар рецензия жіберілген күннен бастап бір ай ішінде қайта өңделген нұсқаны кері жібермесе, авторлардан материалды қайта өңдеуден бас тартқаны туралы ақпарат болмаса да, редакция мақаланы есептен шығарады.

4. Мақаланың жариялануға қабылдануы.

Мақаланы журналда жариялау туралы шешім қолжазбаға қойылатын барлық талаптардың орындалуын; рецензенттердің, редакциялық коллегия мүшелерінің және бас редактордың оң қорытындыларын ескере отырып қабылданады. Шешім қабылданғаннан кейін автор(лар)ға мақала жариялауға қабылданғаны немесе қабылданбағаны туралы хабарланады.

5. Қолжазбаларды өңдеу және қарау үшін төлемақы.

Мақала қабылданғаннан кейін 5 жұмыс күні ішінде автор/ авторлар қолжазбаларды өңдеу және қарау қызметі үшін төлем жасайды. (Толығырақ сілтеме бойынша)

6. Мәтінді түзету.

Редакция келіп түскен материалдарды ғылыми және стильдік тұрғыдан өңдеуге құқылы, мақаладағы өзгерістерді автор(лар)мен келісу арқылы жүзеге асырады. Авторлар мақаланы түзету процесінен кейін баспа жүйесі арқылы толтырылған лицензиялық келісімді жібереді.

Мақаланың нөмірге түскен күні ретінде редактордың мақаланың соңғы нұсқасын жариялауға қабылдаған күні есептеледі.